राज्याची आरोग्य व्यवस्था 'कोमात', डॉक्टरांचा तुटवडा, निधीत घट, कॅगच्या रिपोर्टमधून धक्कादायक माहिती उघड

नागपूर : शनिवारी २१ डिसेंबरला विधीमंडळाच्या अधिवेशनाचा शेवटचा दिवस होता. या दिवशी कॅगने महाराष्ट्रातील सार्वजानिक आरोग्य व्यवस्थेतील पायाभूत सुविधा आणि आरोग्य सेवांचं व्यवस्थापन याबाबतचा अहवाल विधीमंडळात सादर केला आहे. या अहवालातून कॅगने महाराष्ट्रात आरोग्य व्यवस्थेवर ताशेरे ओढले आहे. राष्ट्रीय आरोग्य धोरणानुसार, राज्याच्या एकूण अर्थसंकल्पाच्या ८ टक्के निधी सार्वजानिक आरोग्य व्यवस्थेवर खर्च करणं अपेक्षित आहे. मात्र २०१६ ते २०२२ या कालावधीत राज्यात केवळ ४.९१ टक्के निधी खर्च करण्यात आला. अलीकडेच जगभरात कोरोना विषाणूनं थैमान घातलं आहे, असं असतानाही सरकारची आरोग्य व्यवस्थेबाबत अनास्था असल्याचं अहवालात म्हटलं आहे. या अहवालात सध्या राज्याची काय स्थिती आहे. वैद्यकीय अधिकाऱ्यांच्या रिक्त जागा, या सगळ्यांवर ताशेरे ओढले आहेत.