पतीच्या नावावर असलेली जमीन,मालमत्ता परवानगी न घेता पत्नीला विकता येते का? कायदा काय सांगतो?

भारतीय मालमत्ता कायद्यानुसार, जर एखादी मालमत्ता पूर्णपणे पतीच्या नावावर आहे आणि ती त्याने स्वतःच्या कमाईतून खरेदी केली आहे, तर त्या मालमत्तेचा पूर्ण अधिकार पतीकडेच असतो. अशा वेळी पतीला ती मालमत्ता विकण्याचा, भाड्याने देण्याचा किंवा गहाण ठेवण्याचा संपूर्ण अधिकार आहे. या प्रक्रियेसाठी पत्नीची परवानगी घेणे कायदेशीरदृष्ट्या आवश्यक नाही.

जर मालमत्ता पती आणि पत्नी दोघांच्या संयुक्त नावावर असेल, तर विक्री करण्यासाठी दोघांचीही सहमती आवश्यक आहे. एकाने दुसऱ्याच्या परवानगीशिवाय अशी मालमत्ता विकणे वैध ठरत नाही. अशा विक्री व्यवहाराला न्यायालयात आव्हान देता येते आणि तो करार अवैध ठरू शकतो.

जर पती-पत्नी वेगळं राहत असतील किंवा घटस्फोटाच्या प्रक्रियेत असतील, तरीही पतीच्या नावावरील मालमत्तेवर पत्नीचा थेट मालकीहक्क राहत नाही. मात्र, ‘वैवाहिक संपत्ती’च्या गणनेत ही मालमत्ता विचारात घेतली जाऊ शकते आणि पत्नीला तिचा योग्य वाटा न्यायालय देऊ शकते.