Accident News: वर्ध्यात कार आणि दुचाकीची जबर धडक, अपघातात दाम्पत्याचा मृत्यू

Published by:Sayali Zarad

Last Updated:Nov 30, 2023 10:27 AM IST

अपघातांच्या घटनांची मालिका काही थांबायचं नाव घेत नाही. दररोज कुठेना कुठे अपघात झाल्याची माहिती समोर येत असते. अशातच आणखी एक घटना समोर आली असून या अपघातात दाम्पत्याचा मृत्यू झाल्याचं समोर आलंय.

नरेंद्र मते, वर्धा, 30 नोव्हेंबर : अपघातांच्या घटनांची मालिका काही थांबायचं नाव घेत नाही. दररोज कुठेना कुठे अपघात झाल्याची माहिती समोर येत असते. अशातच आणखी एक घटना समोर आली असून या अपघातात दाम्पत्याचा मृत्यू झाल्याचं समोर आलंय. वर्ध्यातून समोर आलेला हा अपघात नेमका घडला कसा याविषयी जाणून घेऊया.

वर्ध्यात कार आणि दुचाकीचा अपघात झाला. या भीषण अपघातात दाम्पत्यांनी आपला जीव गमावला. केळझर येथील दाम्पत्य गावी परत जात असताना कारने दुचाकीला दिलेल्या धडकेत पतीचा जागीच मृत्यू झाला तर पत्नीचा रूग्णालयात मृत्यू झाला.

मराठा आरक्षणासाठी राजीनामा दिलेल्या खासदार हेमंत पाटील यांना राष्ट्रपतींनी पाठवले समन्स

काल 29 नोव्हेंरला दुपारी दीडच्या सुमारास वर्ध्यामध्ये ही घटना घडली. चुकीच्या दिशेने दुचाकी चालवत दुभाजक ओलांडण्याच्या प्रयत्न करत असताना भरधाव कारनं दुचाकीला धडक दिली. या धडकेत अवधूत वैरागडे (वय 60वर्ष) व चित्रा वैरागडे (वय 55 वर्ष) दोघांची जीव गेला. ही धडक इतकी भीषण होती, की दुचाकीवरील पती-पत्नी रस्त्यावर फेकले गेले. या घटनेत त्यांच्या डोक्याला जबर मार लागला. अवधूत यांचा जागीच जीव गेला आणि चित्रा यांनी रुग्णालयात नेण्यानंतर. या घटनेनं परिसरात एकच खळबळ उडालीय.

दरम्यान, अपघाताची माहिती मिळताच स्थानिकांसह पोलिसांनी घटनास्थळी धाव घेतली. या भीषण अपघातात दाम्पत्यांत्या मृत्यूमुळे हळहळ व्यक्त होत आहे.

view comments

Location :

Mumbai,Maharashtra

First Published :

Nov 30, 2023 10:26 AM IST

Accident News: वर्ध्यात कार आणि दुचाकीची जबर धडक, अपघातात दाम्पत्याचा मृत्यू