Chandrapur : मुलाच्या मृत्यूमागे घातपात, बाळू धानोरकरांच्या आईचे गंभीर आरोप, खासदार सुनेबद्दल म्हणाल्या, तिच्या...

चंद्रपूर : चंद्रपूरमध्ये खासदार प्रतिभा धानोरकर या वरोरा विधानसभा मतदारसंघात भावाचा प्रचार करत आहेत. तर विरोधात त्यांचा दीर अनिल धानोकर हे वंचितच्या तिकीटावर उभा आहेत. दीराचा प्रचार सासूबाई वत्सला धानोरकर करत असल्यानं या मतदारसंघात सासू-सून आमने सामने असल्याचंच चित्र आहे. दरम्यान, प्रचारावेळी वत्सला धानोरकर यांनी काँग्रेसचे दिवंगत खासदार बाळू धानोरकर यांच्या मृत्यूबाबत धक्कादायक असं विधान केलंय. त्यांच्या विधानामुळे आता मोठी खळबळ उडाली आहे.

चंद्रपूरचे माजी खासदार दिवंगत बाळू धानोरकर यांच्या आई वत्सलाताई यांनी काही गंभीर आरोप केलेत. माझ्या मुलाचे म्हणजे बाळू धानोरकर यांचे हे जाण्याचे वय नव्हते. त्याच्या मृत्यूमागे घातपात आहे, असा जाहीर आरोप त्यांनी केला. मात्र या घातपातामागे कोण आहे, हे त्यांनी सांगितले नाही.