नियतीचा अजब खेळ! 2 सख्ख्या बहिणी, दोघींनाही मृत्यूनं एकत्र गाठलं

जिल्ह्यातील पैठण तालुक्यातील ही घटना. प्राची चव्हाण आणि मलिका चव्हाण या सख्ख्या बहिणी. दोघीही पान रांजणगाव आणि मारोळा शिवारात या दोघीजणी बकऱ्या चारण्यासाठी गेल्या होत्या. मात्र दुपारी तीन वाजता गावातील एका तरुणाने या बकऱ्या त्यांच्या घरी आणून सोडल्या. त्यानंतर या मुलीच्या कुटुंबीयांनी त्याला आपल्या मुलींबाबत विचारलं. तर त्याने बकऱ्या मोकाट चरत होत्या, त्यांच्यासोबत कुणीच नव्हतं म्हणून मी घरी आणून सोडलं असं सांगितलं.

त्यानंतर आई-वडिलांनी मुलींचा शोध सुरू केला. शिवारातील एका पाण्याच्या डबक्यात त्या बुडालेल्या आढळून आल्या. दरम्यान या घटनेप्रकरणी बिडकीन पोलीस ठाण्यात आकस्मिक मृत्यूची नोंद करण्यात आली आहे.

पिंपरखेड गावात आर्य परिवार मजुरीसाठी म्हणून येथील उदय सुधाकर अहिरे यांच्याकडे आले होते. त्यांच्या परिवारात 5 मुली, 1 मुलगा. परिवारातील मोठी मुलगी भांडी घासण्यासाठी के. टी. वेअर धरणाच्या काठावर गेली होती. बहिणीसोबत जावं म्हणून रोशनी सुभाषसिंग आर्य (वय 9 वर्ष), शिवांजली सुभाषसिंग आर्य (वय 8 वर्ष), आर्यन सुभाषसिंग आर्य (वय 3 वर्ष) आराध्या सुभाषसिंग आर्य (वय 4 वर्ष, सर्व रा. दुगणी तहसील ता. सेंधवा जिल्हा बडवणी) ही चार मुलं रविवारी संध्याकाळी 6 वाजेच्या सुमारास सोबत गेली.

धरणाच्या पाण्याजवळ गेले असताना त्यांचा पाय घसरला आणि ते पाण्यात बुडाले. चारही सख्खे बहीणभाऊ क्षणार्धात एकमेकांसोबत बुडाले. ग्रामस्थांना समजताच त्यांनी धावाधाव केली. काहींनी चाळीसगाव ग्रामीण पोलीस स्टेशनला कळवलं. पंचनामा करून मृतदेह चाळीसगाव उपजिल्हा रुग्णालयात दाखल करण्यात आले. अचानक घडलेल्या घटनेमुळे कुटुंबावर मोठा डोंगर कोसळला.