अल्पवयीन मुलीसोबत भयंकर घडलं, 7 वर्षांनी PSI ला शिक्षा, 27 लाखांची भरपाई देण्याचे आदेश

छत्रपती संभाजीनगर: एखाद्या वेळी न्याय मिळण्यास उशीर होईल, पण तो मिळतोच, असं म्हटलं जातं. छत्रपती संभाजीनगरमध्ये असाच काहीसा प्रकार घडला आहे. टाउन हॉल उड्डाणपुलावर झालेल्या दुर्दैवी अपघातात अल्पवयीन विद्यार्थिनीचा मृत्यू झाला होता. आता या प्रकरणात तिच्या कुटुंबाला 7 वर्षांनी न्याय मिळाला आहे. मोटार अपघात न्यायाधिकरणाने या प्रकरणात 27 लाख रुपये नुकसानभरपाई देण्याचे आदेश दिले असून, ही रक्कम विमा कंपनी, वाहन मालक आणि चालक यांनी संयुक्तपणे अदा करावी, असे स्पष्ट निर्देश दिले आहेत.