Shreyas Iyer : श्रेयस अय्यरवर आयपीएल इतिहासातील सर्वात मोठी कारवाई, पंजाबच्या कॅप्टनला BCCI चा दणका! पण कारण काय?

न्यू चंदीगड येथील न्यू इंटरनॅशनल क्रिकेट स्टेडियमवर झालेल्या या मॅचमध्ये पंजाबच्या टीमने स्लो ओव्हर-रेट (Slow Over-rate) राखल्याने बीसीसीआयने सर्वात मोठी कारवाई केली आहे. मैदानावर निर्धारित वेळेत ओव्हर्स पूर्ण न केल्यामुळे श्रेयस अय्यरला आता दंड भरावा लागणार आहे. आयपीएलच्या आचारसंहितेनुसार (IPL Code of Conduct), किमान ओव्हर-रेट राखण्याच्या नियमांचे उल्लंघन झाल्याचे स्पष्ट झाले आहे. मैदानात आलेलं वादळ आणि अर्शदीपच्या शेवटच्या ओव्हरमुळे मॅच वेळेत पूर्ण झाली नाही.

पंजाब किंग्सने स्लो ओव्हर रेटचा गुन्हा केल्यामुळे कलम 2.22 अंतर्गत ही कारवाई करण्यात आली आहे, अशी माहिती बीसीसीआयकडून देण्यात आली आहे. नियमांनुसार, पहिल्या चुकीसाठी कॅप्टनला ठराविक रकमेचा दंड ठोठावला जातो. जर आगामी मॅचेसमध्ये पंजाबकडून पुन्हा अशाच प्रकारची चूक झाली, तर हा दंड वाढू शकतो किंवा कॅप्टनवर बंदीची टांगती तलवार देखील असू शकते.

दरम्यान, पहिल्याच मॅचमध्ये श्रेयस अय्यरला दुखापतीचं ग्रहण लागलं आहे. कूपर कॉनोली याने बॉल थेट श्रेयस अय्यरच्या हाताला लागला. त्यामुळे श्रेयस मैदानात कोसळल्याचं दिसलं. त्यानंतर तो पुन्हा बॅट हातात घेऊन बॅटिंग करू लागला होता. अशातच तो पुन्हा नीट होईल, अशी शक्यता वर्तविली जात आहे.