हे गाव लई न्यारं! ज्ञानोबा ते शिवबा, गावानं जपलाय ऐतिहासिक वारसा, तुम्ही पाहिलं का? Video

चऱ्होळी गाव आळंदीपासून चार-पाच किलोमीटर अंतरावर असलेले एक प्राचीन आणि इतिहासपरंपरेने समृद्ध गाव आहे, जे इंद्रायणी नदीच्या काठी वसलेले आहे. बाबाराजे तापकीर पाटील यांनी सांगितले की, तापकीर घराणे छत्रपती शिवाजी महाराजांच्या काळात विविध लढायांमध्ये सक्रिय होते. त्यांचे योगदान स्वराज्याच्या संरक्षणात मोलाचे होते. पानिपतच्या लढाईतही तापकीर घराण्याने महत्त्वपूर्ण भूमिका बजावली, असे ते सांगतात. गावात आजही अनेक ऐतिहासिक वास्तू पाहायला मिळतात ज्या त्या काळाच्या परंपरेची साक्ष देतात.

छत्रपती शिवाजी महाराजांच्या काळातील लढाईत वापरल्या जाणाऱ्या शस्त्रांचा साठा देखील तुम्हाला येथे पाहायला मिळतो. त्यामुळे चऱ्होळी हे गाव इतिहास, परंपरा आणि अध्यात्म यांचा अनुभव घेण्यास योग्य ठिकाण आहे. तुम्ही देखील या गावाला भेट देऊन समृद्ध ऐतिहासिक वारसा जाणून घेऊ शकता.