खाकीचं स्वप्न अधुरं, 3 चाकांवर उभी केली आयुष्याची गाडी, महिलांना मोफत रिक्षा चालवण्याचे अनिता देतात प्रशिक्षण

छत्रपती संभाजीनगर : जिल्ह्यात गेल्या 30 वर्षांपासून रिक्षा चालवून अनिता राजू कटकुरे या आपल्या कुटुंबाचा उदरनिर्वाह करत आहेत. तसेच त्यांच्या मुलांचे शिक्षण देखील रिक्षा चालवूनच त्या पूर्ण करत आहेत. त्यांचे पती राजू कटकुरे हे वारलेले आहे, तसेच आई-वडील नाही. पोलीस होण्याचे स्वप्न त्यांचे होते परंतु ते परिस्थितीमुळे पूर्ण झाले नाही, म्हणून त्यांनी रिक्षाचालकाची वर्दी घातली. विशेषतः कटकुरे या महिलांना ऑटो रिक्षा चालवण्याचे मोफत प्रशिक्षण सुद्धा देत आहे, आतापर्यंत त्यांनी जवळपास 10 ते 15 महिलांना ऑटो रिक्षा चालवण्याचे प्रशिक्षण देऊन स्वावलंबी बनवले आहे.