छत्रपती संभाजीनगर शहराला खरंच 52 दरवाजे होते का? सध्या किती आहेत? संपूर्ण माहिती, Video

कुलकर्णी सांगतात की, “आपण असे म्हणतो की शहराला 52 दरवाजे होते. पण ऐकण्यामध्ये आणि प्रत्यक्षामध्ये याच्यामध्ये मोठी तफावत आहे. सर्व इतिहासाच्या नोंदी बघितल्या तर या दरवाजांची संख्या ही 30 च्या पुढे जात नाही. मुख्य शहर, बेगमपुरा, बाजीपुरा, नवखंड, किल्ले अर्क या पाच तटबंदीमध्ये असलेल्या सगळ्या दरवाजांची संख्या 30 आहे. तिच्या पुढे या दरवाजांची संख्या जात नाही. तसेच त्यांचे काही अवशेष देखील नाहीत. यातील सध्याला पाच दरवाजे नामशेष झालेले आहेत. यामध्ये हमखास दरवाजा, कुणी दरवाजा, खास गेट, मोती कारंजा दरवाजा आणि कुंभार दरवाजा हे पाच दरवाजे सध्याला अस्तित्वात नाहीत.”

दरम्यान, शहराला 52 दरवाजे होते अशा नोंदी इतिहासामध्ये किंवा कुठल्याही नकाशांमध्ये नाहीत. यामुळे शहराला 52 दरवाजांचे शहर म्हणणे चुकीचेच आहे, असेही कुलकर्णींचे मत आहे.