छ. संभाजीनगर – पैठण महामार्गावरील वाहतुकीत मोठे बदल, 15 दिवसांसाठी पाहा पर्यायी मार्ग

‎छत्रपती संभाजीनगर : छत्रपती संभाजीनगर ते पैठण या राष्ट्रीय महामार्ग क्रमांक 752 वर चौपदरीकरणाचे काम वेगाने सुरू असून, हे काम सध्या अंतिम टप्प्यात आहे. या अंतर्गत बिडकीनजवळील निलजगाव फाटा परिसरात सध्या काँक्रीट रस्त्याचे काम सुरू करण्यात आले आहे. यामुळे या भागातील वाहतूक 4 ते 18 ऑक्टोबर 2025 दरम्यान तात्पुरती वळवण्यात येणार आहे. त्यामुळे गैरसोय टाळण्यासाठी वाहन चालकांना पर्यायी मार्गाचा वापर करावा लागेल.