छत्रपती संभाजीनगर : विद्यार्थ्यांना होतोय फायदा, शासकीय दंत महाविद्यालयाचा अनोखा उपक्रम आहे तरी काय?

छत्रपती संभाजीनगर : आपण अनेक वेळा ऐकतो की अनेक महाविद्यालयांमध्ये सीनियर विद्यार्थ्यांकडून ज्युनिअर विद्यार्थ्यांची रॅगिंग होते आणि याचा वाईट परिणाम हा विद्यार्थ्यांवर होतो. त्यामुळे हे सर्व प्रकार थांबविण्यासाठी छत्रपती संभाजीनगर शहरातील शासकीय दंत महाविद्यालयात एक अनोखा उपक्रम सुरू करण्यात आला आहे. 'बडी' असे या नवीन उपक्रमाचे नाव आहे. हा उपक्रम नेमका काय आहे, विद्यार्थ्यांना याचा कसा फायदा होणार होणार, याबाबत माहिती जाणून घेण्यासाठी लोकल18 च्या टीमने महाविद्यालयाच्या अधिष्ठाता डॉक्टर माया इंदुरकर यांच्याशी संवाद साधला.

लोकल18 शी बोलताना त्यांनी सांगितले की, रॅगिंग करणे हा कायद्याने गुन्हा आहे. तरीसुद्धा अनेक वेळा महाविद्यालयात नवीन प्रवेश घेतलेले विद्यार्थी आहेत. त्या विद्यार्थ्यांची त्यांच्या सीनिअर विद्यार्थ्यांनी रॅगिंग करतात. पण या रॅगिंगमुळे अनेक विद्यार्थ्यांच्या अभ्यासावर आणि त्यांच्या मानसिकतेवर परिणाम होतो. तर या सर्व गोष्टी थांबविण्यासाठी शासकीय दंत महाविद्यालयामध्ये 'बडी' नावाचा उपक्रम सुरू करण्यात आला आहे. या उपक्रमांतर्गत जे आपले सीनिअर विद्यार्थी आहेत, ते नवीन घेतलेल्या विद्यार्थ्यांना सर्व गोष्टींमध्ये मदत करतील. या उपक्रमांतर्गत जे नवीन विद्यार्थी आहेत, त्यांची जबाबदारी ही त्यांच्या सीनियर विद्यार्थ्यांवर देण्यात येत आहे. म्हणजे नवीन विद्यार्थी आणि एक सीनियर, असं हे गणित असणार आहे.