शिक्षण फक्त 7 वी पास, परिस्थितीवर केली मात, उभारला मोठा उद्योग, आज हजारो कर्मचारी कामाला!

सोलापूर : परिस्थिती अभावी अनेकांना शिक्षण घेता येत नाही. त्यामुळे काही जण खचतात. पण काही जण न खचता कठोर मेहनत घेतात आणि स्वत:चा व्यवसाय उभा करतात आणि सर्वांसमोर प्रेरणादायी उदाहरण उभे करतात. आज आपण अशाच एका व्यक्तीबद्दल जाणून घेणार आहोत.

सहा हजार महिलांना रोजगार उपलब्ध करून देण्यासाठी सोलापुरातील महालक्ष्मी गृह-उद्योग समोर आला आहे. शहरातील मरिआई चौकात आहे.राजेश उर्फ राजू डोंगरे यांचा पापड बनवण्याचा उद्योग. राजेश डोंगरे यांचा शिक्षण सातवीपर्यंत झाला आहे. उडीद डाळीचे पापड, तांदळाचे पापड, आदी पापड या ठिकाणी बनवले जातात.सोलापूर शहरातील ६ हजार महिलांना रोजगार देण्यासाठी कटिबद्ध असल्याचे राजू डोंगरे यांनी ' लोकल18'शी बोलताना सांगितले.

उद्योग सुरू केल्यानंतर त्यांच्याजवळ सुरुवातीला ४ महिला कामगार होते.आता जवळपास सहा हजार महिलांना कामगार असुन राजेश डोंगरे यांना पापड बनवून देतात.राजेश डोंगरे यांचे वडील विष्णू मिल मध्ये कामाला होते, त्या नंतर राजेश डोंगरे यांच्या आईने त्याच मिल मध्ये वॉचमन म्हणून काम केले, त्याच बरोबर पापड लाटण्याचे कामही ते करु लागले.या कामामध्ये त्यांची मुले ही मदत करत होती.

गरीब परिस्थितीतून आज एक प्रसिद्ध पापड व्यायासायिक इथं पर्यंत चा प्रवास करताना त्यांना ही खुप अडचणी आल्या पण सर्व अडचणी वर मात करत, आज एक उत्तम आणि यशस्वी व्यायासायिक बनवून दाखवले आहे.