turmeric powder benefits : हळद आहे खूपच गुणकारी! आहेत भन्नाट फायदे, तज्ज्ञांनी दिली महत्त्वाची माहिती...

छत्रपती संभाजीनगर : आपल्या स्वयंपाक घरामध्ये हळद हा एक महत्त्वाचा घटक असतो. हळद हा अत्यंत महत्त्वाचा घटक आहे. हळद आपण दररोजच्या स्वयंपाका मध्ये वापरतो. मात्र, यासोबतच आयुर्वेदामध्येही हळदीचे खूप फायदे आहेत. नेमके हळदीचे आपल्या शरीराला कसे कसे फायदे होतात किंवा आपण कोणकोणत्या माध्यमातून हळदी घेऊ शकतो, याविषयी आहारतज्ञ अलका कर्णिक यांनी महत्त्वाची माहिती दिली.

लोकल18 च्या टीमशी बोलताना त्यांनी सांगितले की, हळदीचे आपल्या शरीराला खूप असे फायदे होतात. सध्या बाजारात ओली हळदही आलेली आहे. ज्यांना मधुमेह आहे, अशा सर्वांना ओली हळदी फायदेशीर ठरते. जर तुम्हाला हातापायांना मुंग्या येत असतील तर ओली हळद फायदेशीर ठरते. ही ओली हळद तुम्ही हळदीचे साल काढून घ्यावी, त्यानंतर तिचे बारीक बारीक काप करून घ्यावेत. यानंतर त्यावर लिंबू पिळावा आणि जर तुम्हाला आवडत असेल तर त्यावर तुम्ही सैंधव मीठ टाकून तुम्ही जेवण झाल्यानंतर त्याचे दोन कप खावेत. यामुळे तुम्हाला भरपूर फायदे होतात. हे जे केलेले काप आहेत, ते शरीरातील वाढलेली साखर कमी करायला मदत करतात.