YouTube वरुन शिक्षण, कीर्तनातून जागृती! प्रयोगशील शिक्षिकेचा सरकारकडून सन्मान
- Published by:Aaditi Datar
Last Updated:
छत्रपती संभाजीनगर येथील मुख्याध्यापिका डॉ सविता मुळे यांना आदर्श शिक्षक पुरस्कार जाहीर झाला आहे.
छत्रपती संभाजीनगर, 5 सप्टेंबर : प्रत्येक व्यक्तीचा आयुष्यामध्ये गुरूंना अनन्यसाधारण महत्त्व असतं. त्याचबरोबर आज आपण आपल्या आयुष्यामध्ये जे काही आहे यामध्ये आपल्या गुरुजनांचा मोठा वाटा असतो. जर आपल्या गुरूंचा सन्मान झाला तर प्रत्येक व्यक्तीसाठी अभिमानाची गोष्ट असते. नुकतेच क्रांतीज्योती सावित्रीबाई फुले आदर्श शिक्षक पुरस्काराची घोषणा झाली. हा पुरस्कार छत्रपती संभाजीनगरमधील मुख्याध्यापिका डॉ. सविता जयंत मुळे यांना मिळाला आहे.
आदर्श शिक्षिका डॉ सविता मुळे
छत्रपती संभाजीनगरमधील श्री शारदा मंदिर कन्या प्रशालेच्या मुख्याध्यापिका डॉ. सविता जयंत मुळे यांना नुकताच थोर समाज सुधारक क्रांतीज्योती सावित्रीबाई फुले आदर्श शिक्षक पुरस्कार जाहीर झाला आहे. त्यांच्या शैक्षणिक आणि सामाजिक कार्यासाठी त्यांना हा पुरस्कार मिळाला आहे.
advertisement
डॉ मुळे यांचा शिक्षण प्रवास
डॉ. मुळे यांचं एम.एससी. न्यूक्लिअर फिजिक्स, B.Ed, M.Ed अशं शिक्षण झालं असून कीर्तनशास्त्र विषयात त्यांनी पदवी आणि पदव्युत्तर शिक्षणही घेतलंय. तसेच यासाठी त्यांना सुवर्णपदक मिळालं असून कीर्तनशास्त्रातून पीएचडी संशोधनही त्यांनी केलं आहे. तसेच कीर्तन शास्त्रासाठी आकाशवाणी कडून घेतली जाणारी केंद्रीय ऑडिशन परीक्षा उत्तीर्ण झालेल्या त्या पहिल्या महिला देखील आहेत.
advertisement
कोविड काळात ऑनलाईन शिक्षण
कोविड काळामध्ये शाळा बंद होत्या. तरदेखील त्यांनी विद्यार्थ्यांना अभ्यासाची आणि गणिताची गोडी लागावी यासाठी ऑनलाईन शिक्षण देण्यास सुरुवात केली. त्यासाठी स्वत:चं युट्युब चॅनल सुरू केलं. तसेच मूल्यशिक्षण व वाचन संस्कार रुजवण्यासाठी त्यांनी 'गोष्ट तुमची आमची' हे यूट्यूब चैनल सुरू करून विद्यार्थ्यांना धडे देखील दिले.
advertisement
समाज प्रबोधनासाठी कीर्तन
डॉ मुळे या समाज प्रबोधन या विषयावरती कीर्तन देखील करतात. आपल्या कीर्तनातून जनजागृती करण्याचं काम त्या सातत्यानं करत आहेत. आतापर्यंत त्यांना अनेक पुरस्काराने गौरविण्यामध्ये आलेला आहे.
विद्यार्थ्यांमुळे मिळाला पुरस्कार
हा पुरस्कार भेटल्याचा आम्हाला खूप आनंद आहे. हा पुरस्कार माझ्या सर्व विद्यार्थ्यांमुळे मला भेटलेला आहे. तसेच इथून पुढे देखील मी माझं कार्य असंच अविरतपणे ठेवणार आहे. जास्तीत जास्त विद्यार्थ्यांना याचा फायदा कसा होईल याचा मी विचार करणार आहे. तसेच माझ्या संपूर्ण कुटुंबांची व माझ्या सर्व गुरुवरांचे मी आभार मानते, असे मुख्याध्यापिका डॉ सविता मुळे म्हणतात.
Location :
First Published :
September 05, 2023 1:06 PM IST
मराठी बातम्या/महाराष्ट्र/छ. संभाजीनगर/
YouTube वरुन शिक्षण, कीर्तनातून जागृती! प्रयोगशील शिक्षिकेचा सरकारकडून सन्मान
