‎Shiv Jayanti 2026 : शिवजयंतीनिमित्त छ. संभाजीनगरमध्ये वाहतुकीत बदल, कोणते रस्ते राहणार बंद? पर्यायी मार्ग कोणते?

छत्रपती संभाजीनगर : छत्रपती शिवाजी महाराज जयंतीनिमित्त शहरात मोठ्या प्रमाणावर मिरवणुका आणि शिवभक्तांची गर्दी अपेक्षित असल्याने वाहतूक विभागाने 18 आणि 19 फेब्रुवारी रोजी शहरातील मध्यवर्ती भागात विशेष वाहतूक बदल जाहीर केले आहेत. क्रांती चौक परिसरासह काही प्रमुख मार्गांवर तात्पुरती वाहतूक बंदी राहणार असून दररोज दीड ते दोन लाख वाहनांची वर्दळ असलेल्या रस्त्यांवर वाहनांचे डायव्हर्जन करण्यात येणार आहे. सहायक पोलिस आयुक्त सुभाष भुजंग यांनी यासंदर्भातील आदेश जारी केले आहेत.