भरधाव स्कॉर्पिओनं संपवलं अख्खं कुटुंब, बाईकचा चुराडा, छत्रपती संभाजीनगर हादरलं

सजन राजू राजपूत (२८), शितल राजू (२२), आणि त्यांचा मुलगा कृष्ण अंश सजन (१ ) अशी त्यांची नावे आहेत. गंगापूर आणि वाळुज परिसरात एकच खळबळ उडाली. सूत्रांकडून मिळालेल्या माहितीनुसार सजन राजू राजपूत हे वैजापूर तालुक्यातील सटाणाहुन गंगापूर मार्गे वाळूजकडे मोटारसायकल वर जात होते. त्याचवेळी गंगापूरहुन वैजापूरकडे येणाऱ्या स्कार्पिओ कारला समोरासमोर धडक झाली मोटरसायकल वर सजन राजू राजपूत (२८), शितल राजू (२२), आणि त्यांचा मुलगा कृष्ण अंश सजन (१ ) हे तिघे गंगापूर तालुक्यातील वाळूज येथील रहिवासी आहे. हे प्रवास करत होते.

स्कार्पिओ चालक घटनास्थळावरून फरार झाल्याचे शिल्लेगाव पोलिसांनी सांगितले. या अपघाताचे नेमके कारण अद्याप स्पष्ट झालेले नाही, मात्र दोन्ही गाड्यांची समोरासमोर धडक झाल्याने ही दुर्घटना घडल्याचे प्राथमिक चौकशीतून समोर आले आहे. पुढील तपास शिल्लेगाव पोलीस ठाण्याचे पोलीस निरीक्षक सलिम चाऊस यांच्या मार्गदर्शनाखाली बीट अंमलदार विनोद बिघेत,पो. हनुमान सातपुते हे करत आहे. अख्खं कुटुंब या अपघातात मृत्युमुखी झाल्याने हळहळ व्यक्त केली जात आहे. दुचाकीस्वार किंवा स्कॉर्पिओवाला कोणी चुकीच्या बाजूने येत होते का याचाही तपास केला जात आहे.