Pune Station: पुणे रेल्वे स्टेशनला पर्याय मिळाला! या ठिकाणी नवीन टर्मिनलचं काम सुरू, कधी होणार उद्घाटन?

पुणे: देशातील महत्त्वाच्या शैक्षणिक, ऐतिहासिक आणि औद्योगिक शहरांमध्ये पुण्याचा समावेश होतो. याठिकाणी भारतभरातून विद्यार्थी आणि प्रवाशांची ये-जा सुरू असते. लांब पल्ल्याचा प्रवास करणारे प्रवासी रेल्वेला प्राधान्य देतात. त्यामुळे पुणे रेल्वे स्टेशनवर प्रचंड वर्दळ असते. भविष्यात प्रवाशांची गर्दी आणखी वाढण्याची शक्यता आहे. ही बाब लक्षात घेऊन पुणे रेल्वे स्टेशनला पर्याय शोधला गेला आहे. पुणे रेल्वे स्टेशनवरील गर्दी कमी करण्यासाठी हडपसर येथे एक नवीन रेल्वे टर्मिनल सुरू होणार आहे.