Success Story : व्यवसायाला दिली शिक्षणाची जोड, तुषारने उभारला बेकरी ब्रँड, महिन्याला 5 लाखांची उलाढाल

तुषारला लहानपणापासूनच घरातून व्यवसायाचे बाळकडू मिळाले होते. त्याचे वडील हॉटेल व्यवसायात होते, त्यामुळे तुषारच्या मनातही उद्योजकतेचे विचार घोळत असत. शिक्षण पूर्ण केल्यानंतर त्याने सुरुवातीला वडिलांच्या व्यवसायात हातभार लावला. आपल्या कौशल्याच्या जोरावर त्याने एका हॉटेलचे रूपांतर चार हॉटेल्समध्ये केले. मात्र, नियतीला काही वेगळेच मान्य होते.

तुषारने जिद्दीने बेकरी युनिट सुरू केले. सुरुवातीला अनेक अडचणी आल्या, पण न डगमगता तो पुढे जात राहिला. आज त्याच्या कंपनीत कुरकुरीत खारी आणि टोस्ट, क्रीम रोल आणि विविध प्रकारचे ब्रेड, अनेक बेकरी उत्पादने बनवले जातात. उच्च दर्जाच्या कच्च्या मालाचा वापर आणि चविष्ट उत्पादनांमुळे अल्पावधीतच नाशिककरांनी त्याच्या उत्पादनांना पसंती दिली आहे. आज तुषार केवळ एक यशस्वी उद्योजक नाही, तर तो अनेक तरुणांसाठी आदर्श ठरला आहे.

पत्ता: अष्टविनायक फूड्स अँड बेकर्स, अमृतधाम, पंचवटी, के.के. वाघ कॉलेज जवळ, नाशिक.