इन्स्टाग्रामवर मैत्री, प्रेमाच्या जाळ्यात अडकवलं; आसामवरून तरुणी थेट महाराष्ट्राच्या खेड्यापाड्यात, गुंगीचं औषध देऊन अत्याचार!

Assam Girl assaulted in yavatmal : इन्स्टाग्राम आणि इतर सोशल मीडिया प्लॅटफॉर्मवरून ओळख झाल्यानंतर प्रेमाच्या नावाखाली अल्पवयीन मुली घर सोडून थेट अनोळखी शहरात पोहोचत असल्याचे धक्कादायक वास्तव समोर आलं आहे. यवतमाळमध्ये केवळ डिसेंबर महिन्यातच परराज्यातून आणि इतर शहरांतून तीन अल्पवयीन मुली आपल्या प्रियकराच्या शोधात पोहोचल्या. यामध्ये आसाम, गुजरात आणि मुंबई येथील मुलींचा समावेश होता. यातील काही तरुणींवर अत्याचार झाल्याचा धक्कादायक प्रकार समोर आला आहे. अखेर पोलिसांनी मध्यस्थी करत या मुलींना त्यांच्या पालकांच्या स्वाधीन केलं.