दिव्यांग तरुणाने स्वत:च्या मेहनतीवर उभारले साम्राज्य, व्यवसायातून करतो दमदार कमाई

जन्मत:च अपंग असलेल्या सिद्धेश बोरसे या तरुणाने त्याच्या जीवनात अनेक संघर्षाना तोंड दिले. अपंग असून देखील कोणाचाही आधार त्याने घेतला नाही आणि चिकाटीने येणाऱ्या अडथळ्यांसोबत जिद्दीने लढता राहिला. आज सिद्धेशचे नाशिकमध्ये स्वतःच्या मालकीचे कापडाचे दुकान आहे. त्याच्या दुकानामध्ये अपंग लोकांसाठी अनेक योजना असतात. परंतु आपण जे काही करू ते स्वतःचा जीवावर करू या विचाराने चालणाऱ्या सिद्धेशने आज अनेक तरुणांसमोर एक आदर्श ठेवला आहे. अनेक लोकांच्या जीवनात काही ना काही संघर्ष हा असतोच. त्याच पद्धतीने नाशिकच्या सिद्धेश बोरसे या तरुणाच्या जीवनात देखील त्याला काही गोष्टींना सामोरे जावे लागले.