धाराशिव : आश्रम शाळेतील विद्यार्थी मृत्यू प्रकरण; मित्र, शिक्षकांसह संस्था चालकाविरुद्ध गुन्हा दाखल

बालाजी निरफळ, धाराशिव, 6 ऑगस्ट : धाराशिव जिल्ह्यातील वानेवाडी येथील एका आश्रम शाळेतील विद्यार्थ्याने गळफास घेऊन आत्महत्या केली. नारायणराव बाबा रामदेव बाबा वारकरी शिक्षण संस्थेत ही घटना घडली. अध्यात्मिक शिक्षण देणाऱ्या संस्थेत घडलेल्या या घटनेमुळे खळबळ उडाली होती. तसंच विद्यार्थ्याच्या आत्महत्येनंतर त्याच्या पालकांनी मारहाण करून खून झाला असल्याची शंका व्यक्त केली होती. मात्र ही आत्महत्या झाल्याचं समोर आलं असून आत्महत्येस प्रवृत्त केल्याच्या आरोपावरून शिक्षकांसह संस्था चालकाविरोधात गुन्हा दाखल केला आहे.