रेल्वे स्टेशनच्या पुनर्विकासाआधीच श्रेयवाद सुस्साट, पालकमंत्र्यांचं नाव 'गायब' झाल्याने धाराशीवमध्ये शिवसेना नाराज

धाराशिव रेल्वे स्थानकाच्या पुनर्विकासाच्या प्रलंबित मागणीला रविवारी पंतप्रधान नरेंद्र मोदी यांच्या हस्ते ऑनलाईन उद्घाटनाद्वारे मूहूर्त मिळाला. केंद्र सरकारच्या अमृतभारत स्थानक योजनेअंतर्गत झालेला कार्यक्रमात थाटामाटात पार पडला. पण, या कार्यक्रमाच्या ठिकाणी बसवण्यात आलेल्या कोनशिलेवरुन मात्र नवा वाद सुरु झालाय. या कोनशिलेवर पालकमंत्री आणि राज्याचे आरोग्यमंत्री डॉ. तानाजी सावंतांचं नावच नसल्यानं, शिंदेंची शिवसेना नाराज झालीय.