Crime News : साखरपुडा आटोपून परतणाऱ्या नवरदेवावर काळाचा घाला! मारुती इनोव्हा कार सुरतहून कासारेकडे निघाली अन्...

Groom Killed In Accident, Dhule News : धुळे जिल्ह्यातील साक्री तालुक्यातील कासारे येथील एका कुटुंबावर दुःखाचा डोंगर कोसळला आहे. साखरपुड्याच्या मंगल कार्यातून परतत असताना झालेल्या भीषण अपघातात नवरदेवासह तिघांचा जागीच मृत्यू झाला आहे. या घटनेमुळे संपूर्ण कासारे गावावर शोककळा पसरली आहे. कासारे येथील जाधव कुटुंब 10 नोव्हेंबरला सकाळी साडेसात वाजता साखरपुड्यासाठी सुरत येथे गेले होते. तेथे 29 वर्षीय विजय रघुनाथ जाधव यांचा साखरपुडा मोठ्या उत्साहात पार पडला. साखरपुडा आटोपल्यानंतर हे कुटुंब नातेवाइकांसह मारुती इनोव्हा कारने सुरतहून कासारे गावाकडे परत निघाले होते.