Rupali Chakankar : रुपाली चाकणकरांनी खेवलकरांच्या मोबाइलचा डेटा काढला, खडसे म्हणाले, 'प्रकरणाचा तपास...'
- Reported by:EMTIYAZ AHAMAD
- Written by:Shrikant Bhosale
Last Updated:
Eknath Khadse On Rupali Chakankar : मुलींसोबतच अश्लील आणि अतिशय अश्लाघ्य फोटो असल्याचे चाकणकर यांनी म्हटले. चाकणकरांच्या या गौप्यस्फोटावर शरद पवार गटाचे ज्येष्ठ नेते एकनाथ खडसे यांनी पहिली प्रतिक्रिया दिली आहे.
जळगाव: पुणे येथील अमली पदार्थ पार्टीत अटकेत असलेले प्रांजल खेवलकर यांच्याबाबत राष्ट्रवादी काँग्रेसच्या नेत्या आणि महिला आयोगाच्या अध्यक्षा रुपाली चाकणकर यांनी खळबळजनक आरोप केले. खेवलकरांच्या मोबाइलमध्ये मुलींचे 1779 अश्लील व्हिडीओ आणि फोटो आहेत. मुलींसोबतच अश्लील आणि अतिशय अश्लाघ्य फोटो असल्याचे चाकणकर यांनी म्हटले. चाकणकरांच्या या गौप्यस्फोटावर शरद पवार गटाचे ज्येष्ठ नेते एकनाथ खडसे यांनी पहिली प्रतिक्रिया दिली आहे.
राष्ट्रवादी काँग्रेस शरद पवार गटाचे नेते व माजी मंत्री एकनाथ खडसे यांनी प्रांजल खेवलकर प्रकरणावर मोठी प्रतिक्रिया दिली आहे. खेवलकर यांचा तपास पोलिसांऐवजी महिला आयोगाच्या अध्यक्षा रूपाली चाकणकर करत असल्याचा टोला एकनाथ खडसेंनी लगावला आहे.
खडसे यांनी पुढे म्हटले की, “रूपालीताई आणि रोहिणीताई यांचे जुने संबंध सर्वांना माहिती आहेत. त्यांनी सत्य बोलावं, पण मी जावयाचं समर्थन करणारा नाही. मात्र, ही चौकशी एसआयटीने कशी करावी? ही चौकशी सीबीआयने करावी. तसेच पोलिसांनी स्पष्ट करावं की तक्रार ही संबंधित महिलेकडून आहे की इतर कुणाकडून आहे, असे खडसे यांनी म्हटले.
advertisement
खडसे यांनी पुढे म्हटले की, “प्रांजल खेवलकर यांचे वैयक्तिक जीवन आहे. यावर बेछूटपणे बोलण्याचा अधिकार कुणालाही नाही. काही सांगायचं असेल तर रितसर तक्रार द्या. माझा जावई असो किंवा इतर कुणी, दोषी आढळल्यास शिक्षा झालीच पाहिजे. पण बदनामी करण्याचे काम विरोधकांनी करू नये, असेही खडसे यांनी स्पष्ट केले.
मोबाईलमधील कथित अश्लील फोटो-व्हिडीओबाबत बोलताना खडसे म्हणाले, “अशा गोष्टींची खात्री पोलीसांनी द्यावी, रूपाली चाकणकरांनी नव्हे. त्यांना हे कसं माहित पडलं? गुन्हा दाखल झाल्याशिवाय कुणालाही यावर बोलण्याचा अधिकार नाही.”
advertisement
एकनाथ खडसेंनी रुपाली चाकणकरांना टोला लगावताना म्हटले की, 'रूपालीताईंनी प्रफुल्ल लोढा आणि नाशिकच्या प्रकरणांकडे लक्ष द्यावे. तसेच महाराष्ट्रात जिथे महिलांवर अत्याचार होत आहेत, तिथे लक्ष केंद्रीत करून सर्व बाजूंनी चौकशी व्हावी, असे खडसे यांनी म्हटले.
Location :
Jalgaon,Maharashtra
First Published :
Aug 08, 2025 11:08 AM IST
मराठी बातम्या/महाराष्ट्र/
Rupali Chakankar : रुपाली चाकणकरांनी खेवलकरांच्या मोबाइलचा डेटा काढला, खडसे म्हणाले, 'प्रकरणाचा तपास...'
