गॅस सिलिंडरसाठी ई-केवायसी अनिवार्य; माण तालुक्यातील ग्राहकांना भारत गॅस एजन्सीचे आवाहन

गॅस सिलिंडर मिळवण्यासाठी ई-केवायसी अनिवार्य करण्यात आलेली आहे. ज्यांनी अजूनही ई-केवायसी केलेली नाही, त्या ग्राहकांनी त्वरित करून घ्यावी. अन्यथा सिलिंडर मिळवण्यात अडचण येऊ शकते. ग्राहकांची गैरसोय होऊ नये, यासाठी एजन्सीच्या अधिकृत गाडीद्वारे ई-केवायसी करण्याची सोय करण्यात आली आहे. ग्राहकांना म्हसवड येथील मुख्य कार्यालयात येणे बंधनकारक राहणार नाही.

ई-केवायसी करण्यासाठी आधार कार्ड, गॅस पुस्तक, स्वतः व्यक्ती उपस्थित असणे आवश्यक आहे. ग्राहकांनी तातडीने सहकार्य करून ई-केवायसी पूर्ण करावी, असे आवाहन शुभम भारत गॅस एजन्सी, म्हसवडतर्फे करण्यात आला आहे.