जास्त भाडं घेतलं, महिला प्रवाशांनी रिक्षाचालकाला बेकार मारलं, VIDEO व्हायरल

या वादानंतर संतप्त झालेल्या महिलांनी रिक्षाचालकाला शिवीगाळ करत मारहाण केली, असा आरोप रिक्षाचालक मोहम्मद अन्वर मकानदार याने केला आहे. महिला प्रवाशांनी केलेल्या हल्ल्यात रिक्षाचालक अन्वर जखमी झाला असून, रिक्षाची काचही फोडण्यात आली आहे. जखमी रिक्षाचालकाला उपचारासाठी बेळगावातील जिल्हा रुग्णालयात दाखल करण्यात आलं आहे.

दुसरीकडे, प्रवाशांपैकी एक असलेल्या अल्मास यांनी रिक्षाचालकावर आरोप केला आहे. रिक्षाचालकाने भाड्यावरून वाद घातल्यानंतर आपल्याला मारहाण केली आणि रिक्षाचे भाडे जास्त मागितलं. प्रवाशांसोबत गैरवर्तन करणाऱ्या रिक्षाचालकांवर कठोर कारवाई करण्याची मागणीही त्यांनी केली आहे. या घटनेची माहिती मिळताच पोलिसांनी घटनास्थळी धाव घेतली असून, दोन्ही बाजूंचे जबाब नोंदवून घेतले आहेत. या प्रकरणी पोलिसांनी गुन्हा दाखल केला असून पुढील तपास सुरू आहे.