आनंदाचं घर झालं पोरकं! जुळ्या मुलांच्या स्वागताची तयारी करणाऱ्या वनरक्षकाच्या कुटुंबावर दु:खाचा डोंगर

रायगड : नशिबाचे खेळ किती क्रूर असू शकतात, याचा प्रत्यय देणारी एक अत्यंत हृदयद्रावक घटना रायगड जिल्ह्यात घडली आहे. घरात जुळ्या मुलांच्या जन्माचा सोहळा आणि आनंदाचे वातावरण असतानाच काही तासांतच कुटुंबाचा कर्ता पुरुष नियतीने हिरावून नेला. अलिबाग वनविभागातील तिनविरा येथे कार्यरत असलेले वनरक्षक सुरज सारंगे यांचा रस्ता अपघातात दुर्दैवी मृत्यू झाला. रेवस-रेड्डी मार्गावरील एका धोकादायक खड्ड्याने एका कर्तव्यदक्ष तरुणाचा बळी घेतल्याने संपूर्ण जिल्ह्यात हळहळ व्यक्त होत आहे.