Gachiroli News : कुणाची हिंमत नव्हती तिच्याजवळ जाण्याची, वाघीण शेवटी तडफडून मेली, गडचिरोलीतील घटना

गडचिरोली, (महेश तिवारी, प्रतिनिधी) : गडचिरोली जिल्ह्यात वडसा वन विभागात असलेल्या बल्लारपूर गोंदिया रेल्वे मार्गावरून जाणाऱ्या मालवाहतूक रेल्वेच्या धडकेने 4 वर्षीय वाघिणीचा मृत्यू झाला आहे. बल्लारपूर ते गोंदिया हा रेल्वे मार्ग चंद्रपूर आणि गडचिरोली जिल्ह्यातून घनदाट जंगलातून गेलेला रेल्वे मार्ग आहे. चंद्रपूर जिल्ह्यातून मोठ्या प्रमाणात गडचिरोली जिल्ह्यात वाघांचा प्रवेश झालेला असून दोन्ही जिल्ह्याच्या सीमेवर वाघांच्या हालचाली मोठ्या प्रमाणात आहेत. त्यामुळे वन्यप्राण्यांच्या रेल्वेखाली येऊन मृत्यू होण्याचं प्रमाण वाढलं आहे.