‎Gauri puja: तब्बल 70 वर्षांची परंपरा, तोतला कुटुंबियांच्या नवसाला पावणाऱ्या महालक्ष्मींची चर्चा, VIDEO

‎तोतला कुटुंबीय पिढीजात छत्रपती संभाजीनगर येथील रहिवासी आहे. त्यांच्या घरी 70 वर्षांपेक्षा जास्त काळापासून महालक्ष्मी बसवल्या जातात. त्यांच्या घरच्या महालक्ष्मी नवसाला पावतात, अशी मान्यता आहे. याच कुटुंबातील एका स्त्रीने देवीकडे मुलाच्या नवस केला होता. मुलाचं लग्न झालं तर देवीची घरीच सेवा करेन, असा नवर स्त्रीने मागितला होता. इच्छापूर्ती झाल्यानंतर तोतला कुटुंबातील स्त्रीने घरी महालक्ष्मी बसवायला सुरूवात केली. तेव्हापासून तोतला कुटुंबातील प्रत्येक पिढी दरवर्षी महालक्ष्मी बसवते आणि तिची सेवा करते.

नवसाला पावणाऱ्या महालक्ष्मी, अशी ख्याती असल्यामुळे अनेक भाविक तोतला यांच्या घरी येतात. देवीचं दर्शन घेऊन आपली इच्छा देवीला सांगतात. ‎विशेष म्हणजे इच्छापूर्ती झाल्यानंतर भाविक पुन्हा येऊन महालक्ष्मीच्या चरणी नतमस्तक होतात आणि नवस पूर्ण करतात. तोतला कुटुंबियांनी दिलेल्या माहितीनुसार, अनेक भाविका बाळाची इच्छा घेऊन येतात. देवीच्या आशीर्वादानं आजारपणही दूर होतं. अगदी मुंबई, पुणे आणि बंगळूरवरून सुद्धा भाविक याठिकाणी दर्शनाला येतात.

तोतला कुटुंबियांनी टोकन पद्धतीने दर्शनाची व्यवस्था केली आहे. भाविकांची संख्या जास्त असते. दूरवरून आलेल्या भाविकांना व्यवस्थित दर्शन घेता यावं, यासाठी हे नियोजन करण्यात आलं आहे. टोकन पद्धतीमुळे सर्व भाविकांना व्यवस्थित दर्शन घेता येतं आणि आपला नवसही फेडता येतो.