Trending:

Anant Garje : मुलीला अनंत खूप मारायचा, गौरीच्या आईचा आक्रोश; लेक फोनवर सगळं सांगायची

Published by:Prachi Amale

Last Updated:November 25, 2025 9:34 PM IST

गौरीला लग्नानंतर दोन महिन्यात अनंतने मारहाण करण्यास सुरुवात केल्याची दावा गौरीच्या आईने केला आहे.

इम्पॅक्ट शॉटतुमचा गेटवे लेटेस्ट न्यूज

मुंबई : पंकजा मुंडेंचा पीए अनंत गर्जे याला पत्नी गौरी गर्जेच्या आत्महत्येप्रकरणी अटक करण्यात आली आहे. वरळीतील राहत्या घरी गौरी गर्जे यांनी गळफास घेऊन आत्महत्या केली होती. गौरीची आत्महत्या नाही हत्या असल्याचा आरोप कुटुंबियांकडून करण्यात येत आहे. दरम्यान गर्जे यांच्या अहिल्यानगरच्या मूळ घराजवळ गौरीचे अंत्यसंस्कार करण्यात आले आहे. गौरीची आत्महत्या नसून हत्याच आहे, असा आरोप कुटुंबियांनी केला आहे. गौरीला लग्नानंतर दोन महिन्यात अनंतने मारहाण करण्यास सुरुवात केल्याची दावा गौरीच्या आईने केला आहे.

गौरीच्या आई म्हणाली. मला संध्याकाळी सात वाजता मोबाईलवर फोन आला. म्हणाला गौरी गेली तिने फाशी घेतली. आत्महत्या केल्यानंतर गळ्याला वण असू शकतात, मात्र डोक्याला आणि छातीला आले कुठून?

लग्नानंतर एक दोन महिनेच तो ठीक राहिला नंतर तिला मारणं आणि त्रास देणे सुरूच होतं. तिला नेहमी मारहाण करायचा मी एकदा विचारलं तुला काय लागलय तर म्हणली फॅन लागलाय.. मात्र त जास्त चौकशी केल्यानंतर म्हणली अनंतने मारलं... मी कोणाला सांगितलं नाही. गौरी नेहमी मला सांगायची की त्याची तक्रार केलेली त्याला आवडत नाही. सगळं ठीक होईल तू कोणाला काही बोलू नकोस... गौरी अशी आत्महत्या करू शकत नाही. मला आणि तिच्या भावाला देखील ती नेहमी बोलायची आणि सांगायची.

गौरीला होणाऱ्या त्रासाविषयी सांगताना गौरीची आई म्हणाल, माझं लेकरू गेलं आहे, माझ्या लेकराला न्याय भेटला पाहिजे. माझा तपासावर विश्वास नाही एसआयटी स्थापन करण्यात यावी. आज तीन दिवस होऊन देखील दोन आरोपी फरार आहेत हा कोणता तपास सुरू आहे. आम्हाला त्याचं पहिलं लग्न झाल्याची माहिती उशीरा मिळाली. आम्हाला अगोदर माहीत असते तर आम्ही लग्नचं केलं नसते. 27 वर्षे लेकराला सांभाळायचं आणि या हरामखोरांनी लेकराला जीव मारायचं आणि म्हणायचं आमचा दोष नाही. तिघांनाही फाशीपेक्षा मोठी शिक्षा झाली पाहिजे.

आत्महत्येआधी गौरी आणि अनंतचे कडाक्याचं भांडण

केईएम हॉस्पिटलमध्ये डेंन्टिस्ट असलेली गौरी हिमतीची होती.आत्महत्या करणाऱ्यातली नव्हती असं सांगत तिच्या कुटुंबानं गौरीच्या हत्येचा संशय व्यक्त केला आहे. गळफास घेतलेल्या गौरीला हॉस्पिटलमध्ये दाखल केल्यानंतर तिचा पती अनंत गर्जे फरार होता. रविवारी रात्री उशिरा तो पोलिसांना शरण गेला. रात्री 1 वाजता वरळी पोलिसांनी अनंत गर्जेला अटक केली. आत्महत्येआधी गौरी आणि अनंतचे कडाक्याचं भांडण झाल्याची माहिती अनंतनं पोलीस जबाबात दिली आहे.

view comments

Location :

Mumbai,Maharashtra

First Published :

November 25, 2025 9:34 PM IST

Anant Garje : मुलीला अनंत खूप मारायचा, गौरीच्या आईचा आक्रोश; लेक फोनवर सगळं सांगायची