बॉयफ्रेंड एक अन् त्या दोघी, पोरींनी असं काही केलं; गोंदिया पोलिसांनी डोक्याला लावला हात

गोंदिया :  फेब्रुवारी महिना म्हणजे प्रेमाचा महिना. हा महिना खास प्रेमीयुगुलांसाठी आहे. प्रेमी युगुल असो किंवा नवविवाहित जोडपं, प्रत्येकजण या आठवड्यात वेगवेगळे दिवस साजरे करतात. सर्वात महत्त्वाचं म्हणजे किशोरवयीन मुलामुलींमध्ये या विषयी प्रचंड आकर्षण असते. आपल्या मनतील भावना आपल्या आवडत्या एकमेकांना व्यक्त करण्यासाठी जोडपे व्हॅलेंटाईन वीक निवडतात. मात्र ती इतरांपेक्षा हटके आणि स्पेशल करण्याच्या नादात कधी कधी मुलांकडून चुकीचे पाऊल उचलल जाते. अशीच एक घटना गोंदियातून समोर आली आहे. प्रपोज डे ला बॉयफ्रेंडला भेटण्यासाठी चक्क मुलींनी दुचाकीची चोरी केल्याची धक्कादायक घटना घडली आहे.

समोर आलेल्या माहितीनुसार, गोंदिया शहर पोलीस स्टेशन अंतर्गत येत असलेल्या सिंधी कॉलनी परिसरात राहणाऱ्या गोपालदास मुरझानी यांच्या घरासमोरून दोन मुलींनी दुचाकी चोरली. सकाळी 10.30 वाजता चक्क दोन मुलींनी आपल्या बॉयफ्रेंडला भेटण्यासाठी दुचाकी चोरली. दुचाकी चोरण्याऱ्या दोन्ही मुलींनी अगोदर परिसरात पायी फिरत रेकी केली .रेकी केल्यानंतर चक्क काही वेळातच गाडी चालू करून गाडी चोरली