नाशकात मनसेसोबत युतीची घाई नडली, स्थानिक काँग्रेस नेत्यांना वरिष्ठांचा दट्ट्या, सपकाळ संतापले

लक्ष्मण घाटोळ, प्रतिनिधी, नाशिक : राज्यातील स्थानिक स्वराज्य संस्थेच्या निवडणुकांच्या अनुषंगाने महाविकास आघाडीचा निर्णय झालेला नसताना नाशिकमध्ये मनसेला सोबत घेऊन येणाऱ्या निवडणुका लढण्याची घोषणा करण्यात आली. यावेळी काँग्रेस पक्षातील पदाधिकारी देखील उपस्थित होते. मात्र काँग्रेस पदाधिकाऱ्यांची ही भूमिका पक्ष शिस्तीचा भंग असल्याचे खडसावून सांगत काँग्रेसचे प्रदेशाध्यक्ष हर्षवर्धन सपकाळ यांनी संबंधित पदाधिकाऱ्यांना नोटिसा काढल्या आहेत.