Makai Gate: 3 किलोमीटरचा फेरा वाचणार! छ. संभाजीनगरच्या ऐतिहासिक दरवाजातून सुरू होणार वाहतूक

मुघल बादशाह औरंगजेबाच्या आदेशानुसार 1682 मध्ये मकाई गेटची निर्मिती करण्यात आली होती. या दवाजाच्या दिशा मक्केकडे तोंड करून असल्याने त्याला मकाई गेट म्हटलं जातं. काळाच्या ओघात या गेटची पडझड सुरू झाली होती. त्यामुळे संवर्धनाचं काम हाती घेण्यात आलं होतं. मकाई गेट उभारण्यासाठी ज्या साहित्याचा वापर करण्यात आला होता, त्याच साहित्यातून संवर्धन सुरू आहे. त्यामुळे या गेटला गतवैभव मिळणार आहे. राहुल दाशरथे यांनी दिलेल्या माहितीनुसार, गेटच्या संवर्धनाच्या कामात गूळ, बेल आणि नाचणीसारख्या साहित्यांचा वापर केला जात आहे.