Isarel Strike On Iran Oil Depot: आगीच्या ज्वाळा, धुराचे लोट, तेहरान पेटलं! इस्रायलचे इराणच्या तेलसाठ्यावर हल्ले, पाहा व्हिडीओ

तेहरान: पश्चिम आशियातील तणावाने आता रौद्र रूप धारण केले आहे. अमेरिका आणि इस्रायलकडून संयुक्तपणे इराणवर क्षेपणास्त्र हल्ले सुरुच आहेत. इस्रायलकडून पहिल्यांदाच राजधानी तेहरानमधील तेल डेपो आणि रिफायनिंग सुविधांना लक्ष्य करण्यात आले आहे. या भीषण हल्ल्यांमुळे संपूर्ण तेहरान शहरात आगीचे प्रचंड लोळ आणि धुराचे लोट दिसून आले. या तेल डेपोतून चीन व इतर देशांनाही पुरवठा केला जात असल्याचे म्हटले जात आहे. त्यामुळे या हल्ल्याचे जागतिक पातळीवर आणखी पडसाद उमटण्याची चिन्हे आहेत.