मुंबईकर प्रतीक्षा संपणार, वाहतूक कोंडी सुटणार, सायन पुलाचा मुहूर्त ठरला, वाहने कधी धावणार?

मुंबई: सायन रेल्वे पुलाकडे गेली अनेक वर्षे मुंबईकरांचे लक्ष लागून राहिले होते. मुंबई शहर आणि उपनगरांना जोडणाऱ्या महत्त्वाच्या मार्गांपैकी एक वाहतुकीच्या दृष्टीने महत्त्वाचा असलेला हा पूल बंद आहे. त्यामुळे सायन परिसरात वारंवार वाहतूक कोंडी निर्माण होत होती. रोज हजारो वाहनचालकांना शॉर्टकट मार्ग बंद असल्याने लांबचा वळसा घालून प्रवास करावा लागत होता. त्यामुळे या पुलाच्या कामाकडे आणि त्याच्या उद्घाटनाकडे नागरिकांचे विशेष लक्ष लागले होते. अखेर या प्रतीक्षेला आता पूर्णविराम मिळण्याची चिन्हे दिसू लागली असून सायन रेल्वे पुलाच्या उद्घाटनाचा मुहूर्त निश्चित झाला आहे.