Pandharpur: विठ्ठल-रुक्मिणी मूर्ती पूर्णत: सुरक्षित, मंदिर समितीचं स्पष्टीकरण; वारकऱ्यांना आवाहन

यासंदर्भात श्री विठ्ठल–रुक्मिणी मंदिरे समिती, पंढरपूर यांच्या वतीने वारकरी, भाविकांना आणि नागरिकांना आवाहन करण्यात आलं आहे.  श्री विठ्ठल–रुक्मिणी मातेच्या मूर्ती पूर्णतः सुरक्षित आहेत. मूर्तींच्या संरक्षण आणि संवर्धनासाठी शासन, भारतीय पुरातत्त्व सर्वेक्षण आणि मंदिर समिती यांच्यात समन्वयाने कार्यवाही सुरू असून, भाविकांच्या श्रद्धेच्या दृष्टीने मूर्तींच्या सुरक्षिततेस सर्वोच्च प्राधान्य देण्यात येत आहे. पण, मूर्तीची झीज होऊ नये म्हणून पुरातत्व विभागाच्या मार्गदर्शनाखाली आवश्यक त्या उपाययोजना करण्याची मंदिर समितीने दक्षता घेतली असल्याचं यावेळी औसेकर यांनी सांगितलं.