मुलाने सांभाळण्यास दिला नकार, 70 वर्षीय आईला सोडलं बेवारस, पोलिसांना माहिती झालं आणि...

जालन्यातील सेंट मेरी शाळेजवळ एका 70 वर्षीय वृद्ध महिलेला तिच्याच मुलाने अनाथपणे सोडले आणि तो तिथून निघून गेला होता. याबाबतची माहिती पोलीस निरीक्षक पंकज जाधव यांना कळाली. त्यावरून त्यांनी पीएसआय भगवान नरोडे, पोलीस हवालदार जगन्नाथ जाधव आणि पोलीस शिपाई कल्पेश पाटील यांना माहिती दिली.

सदर महिलेस मदतीचा आधार देण्यासाठी जालना शहरातील आपुलकी शहरी बेघर निवारा केंद्र वृद्धाश्रम या ठिकाणी दाखल करण्यात आले. या आधार केंद्रात या वृद्ध महिलेची पुढील सर्व काळजी घेण्यात येणार आहे. दरम्यान, या घटनेच्या निमित्ताने पोलीस उपनिरीक्षक पंकज जाधव यांच्या संवेदनशील स्वभावाचे दर्शन होत आहे. या निमित्ताने खाकी वर्दीतील माणुसकीचे व संवेदनशील मनाचे दर्शन झाल्याचे पाहायला मिळाले. त्यामुळे त्यांचे कौतुक केले जात आहे.