कर्जत जामखेड विधानसभा निवडणूक 2024 : रोहित पवारांसाठी भाजपबरोबरच काकांशीही लढावं लागणार; राम शिंदे यांची जोरदार तयारी

कर्जत-जामखेर विधानसभा मतदारसंघात नगर जिल्ह्यातील कर्जत आणि जामखेड हे दोन तालुके येतात. अहमदनगर लोकसभा मतदारसंघाचा हा भाग आहे. सुरुवातीला काँग्रेसची मक्तेदारी कर्जत जामखेडमध्ये होती. त्याला पहिला छेद दिला 1978 मध्ये रिपब्लिकन पार्टीचे उमेदवार बाजीराव कांबळे यांनी.

रोहित पवार – राष्ट्रवादी – 1,35,824

नुकत्याच झालेल्या लोकसभा निवडणुकीत अहमदनगर लोकसभेत भाजपला पराभव पत्करावा लागला. निलेश लंके जाएंट किलर ठरले. भाजपचे माजी खासदार सुजय विखे-पाटील यांना शरदचंद्र पवार गटाच्या निलेश लंके यांनी पराभूत केलं. या निलेश लंकेंविरोधात अजित पवार स्वतः प्रचार करत होते. आणि त्यांच्या निमित्तानेचकाका-पुतण्यांमधील संघर्ष सगळ्यांना दिसला होता. कर्जत-जामखेड विधानसभेचे आमदार रोहित पवार यांनी महायुतीचा पराभव करण्यासाठी पुरेपूर प्रयत्न केले होते आणि त्यांच्या मतदारसंघात भाजपचे सुजय विखे पाटील बरेच पिछाडीवर होते. यामुळे रोहित पवारांचा आत्मविश्वास उंचावला आहे. कर्जत जामखेडमधून निलेश लंके यांना 1,04,953 मतं तर सुजय विखे यांना 95835 एवढी मतं मिळाली. त्यामुळे माजी पालकमंत्री असलेल्या राम शिंदे यांना मेहनत घ्यावी लागणार आहे. भाजप नेतृत्वाने शिंदे यांच्यावर चौथ्यांदा विश्वास दाखवत उमेदवारी दिली आहे.

राज्यातील सर्वात मोठा जिल्हा म्हणून ओळखल्या जाणाऱ्या नगर जिल्ह्यात विधानसभेचे एकूण 12 मतदारसंघ आहेत.