बुलढाण्यात जनावरे खरेदी विक्रीवर खाटिक बांधवांचा बहिष्कार, शेतकऱ्यांच्या अडचणी वाढणार

राहुल खंडारे, बुलढाणा : मुस्लिम कुरेशी खाटिक बांधवांनी जनावरांच्या कायदेशीर व्यापारात होणाऱ्या त्रासाला कंटाळून जनावरे खरेदी विक्री करण्यास राज्यात बेमुदत बंदीची घोषणा केली आहे. टप्प्याटप्प्यात याची अंमलबजावणी होत असून बुलढाणा जिल्ह्यात देखील मुस्लिम खाटिक बांधव एकवटले आहेत. 21 जुलैपासून जिल्ह्यात बाजारातून जनावरांची खरेदी-विक्री करणार नाही असा निर्णय बुलडाणा येथील जोहर नगर येथे आयोजित बैठकीत घेण्यात आला आहे. या निर्णयामुळे शेतकरी बांधवांच्या अडचणी निश्चित वाढणार आहे.