...अशी झाली श्रीमंत दगडूशेठ हलवाई गणपतीची स्थापना! जाणून घ्या माहित नसलेला इतिहास

'मुलं आपल्या आई-वडिलांचं नाव मोठं करतात तसंच ही दोन दैवतं तुमचं नाव उज्ज्वल करतात, असं भाकित माधवमहाराज यांनी व्यक्त केलं. त्यानंतर दगडूशेठ यांनी दत्त महाराजांची संगमरवरी तर गणपतीची मातीची मूर्ती बनवली होती. या मुर्तीची प्राणप्रतिष्ठापना लोकमान्य टिळकांच्या हस्ते करण्यात आली होती. आज पुण्यातील गणपतींच्या यादीत श्रीमंत दगडूशेठ हलवाई गणपतीचे नाव आघाडीवर आहे.

'1967 साली या गणपतीचा अमृत महोत्सव साजरा करण्यात आला. 1896 साली तयार केलेल्या या मुर्तीची अवस्था थोडी जीर्ण झाली होती. यानंतर नवीन मूर्ती बनवण्यासाठी कर्नाटकचे प्रसिद्ध शिल्पकार नागेश शिल्पी यांना पाचारण केले गेले. नमुना म्हणून एक लहान मूर्ती बनवण्यात आली. यानंतर बाळासाहेब परांजपे यांनी प्रोजेक्टरचा वापर करून पडद्यावरून कार्यकर्त्यांना ही मूर्ती दाखवली. आधीच्या मुर्तीशी ही मूर्ती मिळत आहे याची खात्री करत सर्वांच्या सहमतीनं नवीन मूर्ती तयार केली गेली. ही मूर्ती बनवण्यासाठी त्याकाळी 1125 रुपये (एक हजार एकशे पंचवीस रुपये) इतका खर्च आला होता,' अशी माहिती श्रीमंत दगडूशेठ हलवाई गणपती ट्रस्टचे महेश सूर्यवंशी यांनी दिलीये .

1984 मध्ये मुर्तीची मंदिरात स्थापना तर 2002 साली भव्य मंदिरानंतर गुढीपाढव्याच्या मुहूर्तावर गणपतीची मंदिरात स्थापना करण्यात आली. भाविकांसाठी मंदिर अपुरे पडू लागल्यानं हे मंदिर उभारण्यात आलं.

सकाळी 7.30 ते 7.45 - सुप्रभातम आरती

1.30 ते 2.00 - नैवेद्यम आरती

3.00 ते 3.15 - मध्यान्ह आरती

8.00 ते 8.15 - महामंगल आरती