Vande Bharat: नागपूर ते पुणे आता फक्त 12 तासांत! इतक्या रुपयांत होईल प्रवास

नागपूर: राज्याची उपराजधानी नागपूर आणि राज्याची सांस्कृतिक राजधानी पुणे या दोन शहरांमधील प्रवासाचा वेळ अवघ्या 12 तासांवर आला आहे. राज्यातील ही दोन महत्त्वाची शहरे आता अधिक वेगाने जोडली गेली आहेत. या दोन्ही शहरांदरम्यान वंदे भारत एक्सप्रेस सुरू झाली असून आज (10 ऑगस्ट) पंतप्रधान नरेंद्र मोदी यांनी व्हिडिओ कॉन्फरन्सिंगच्या माध्यमातून अजनी (नागपूर) ते पुणे या वंदे भारत एक्सप्रेसला हिरवा झेंडा दाखवला आहे.