Video: सैनिक करतात देशसेवा आम्ही करू त्यांची सेवा, माटे बंधूंचा अनोखा संकल्प

2019 सालच्या पुलवामा हल्ल्यानंतर अख्खा देश हादरला होता. त्यावेळी देश आणि सैनिकांप्रती कृतज्ञता व्यक्त करण्यासाठी आणि पणजोबांच्या स्मरणार्थ म्हणून माटे बंधूंनी हा उपक्रम सुरू केला. आजही ते हा उपक्रम राबवत आहेत, असे योगिराज माटे यांनी सांगितले.

योगिराज यांच्या जाधववाडी येथील सलून मध्ये सुरू केलेला हा उपक्रम त्यांचे भाऊ संग्राम माटे यांच्या कदमवाडी-बावडा रोड येथील दुकानात देखील सुरू आहे. हा उपक्रम राबवत असताना योगिराज माटे यांच्या बाबतीत फसवणुकीचा प्रकारही घडला होता. सैन्य अधिकारी बोलत असल्याचे भासवून भरपूर सैनिकांचे केस कटिंग करण्यासाठी फोनवरून त्यांची फसवणूक करण्यात आली होती. त्यामुळे सैनिकांचे ओळखपत्र पाहूनच आम्ही त्यांना ही सेवा देतो, असेही योगिराज यांनी स्पष्ट केले.

माटे बंधूंच्या या अनोख्या उपक्रमाचे आजी-माजी सैनिकांकडून भरभरून कौतुक होतंय. आम्हाला सैन्यातून परत आल्यानंतर तिकडे आम्ही देशसेवा करतो पण नागरी वस्तीत आम्हाला कोणी विचारेल तरी की नाही, असेच वाटत असते. मात्र माटे बंधूंनी आमच्यासाठी सुरू केलेल्या या उपक्रमामुळे आम्हाला त्यांचा अभिमानच वाटतो, अशा भावना निवृत्त सैनिक श्रीधर कुंभार यांनी व्यक्त केल्या आहेत.

मल्हार जेंट्स पार्लर