कोल्हापूरहून पुण्याला जाणाऱ्या हिरकणी बसचा भीषण अपघात, 21 प्रवाशांचं काय झालं?

कोल्हापूर, ज्ञानेश्वर साळोखे: पुणे-बेंगळुरू महामार्गावर आज सकाळी प्रवाशांच्या काळजाचा ठोका चुकवणारी एक थरारक घटना घडली. आजऱ्याहून पुण्याच्या दिशेने सुसाट निघालेल्या एसटी महामंडळाच्या 'हिरकणी' बसचा अचानक टायर फुटला आणि ताबा सुटलेली बस थेट हायवेच्या डिव्हायडरवर जाऊन आदळली. या बसमध्ये २१ प्रवासी होते, ज्यांच्यासाठी हा प्रसंग एखाद्या मृत्यूच्या साक्षात्कारापेक्षा कमी नव्हता. मात्र, सुदैवाने या भीषण अपघातातून सर्व प्रवासी सुखरूप बचावले असून मोठी दुर्घटना टळली.