Kolhapur News : कागलच्या कृत्रिम धबधब्यावर आनंद लुटण्यासाठी पर्यटकांची गर्दी, कसा आहे धबधबा?, VIDEO

कोल्हापूर जिल्ह्याचे पालकमंत्री हसन मुश्रीफ यांच्या विशेष प्रयत्नातून या तलावात नगरपालिकेने हा कृत्रिम धबधबा निर्माण केला आहे. स्व. व्ही. ए. घाटगे पाझर तलावाचे सुशोभीकरणावेळी हे करण्यात आहे. यासाठी तब्बल 10 कोटींचा निधीदेखील खर्च केला गेला आहे. कोल्हापूर शहरातील पर्यटन वाढविण्यासाठी या सुविधा करण्यात आल्या आहेत.

यंदा मुसळधार पावसामुळे कोल्हापूर जिल्ह्यातील अनेक धबधबे ओसंडून वाहू लागले आहेत. त्यात धबधब्याच्या ठिकाणी होत असलेल्या दुर्घटनांमध्ये वाढ झाली आहे. त्यामुळेच ऐन पावसाळ्यात जिल्ह्यातील धबधबे पाहण्यासाठी प्रशासनाने मज्जाव केला आहे. मात्र, या पाझर तलावाच्या ठिकाणी पर्यटकांसाठी नौकानयन, संगीतावरील कारंजे, कृत्रिम धबधबा आणि रेन डान्स अशा सोयी पर्यटकांसाठी उपलब्ध करून देण्यात आले आहेत. त्यामुळे परिवारासह धोकादायक ठिकाणी धबधबा पाहायला जाण्यापेक्षा हा कृत्रिम धबधबाच भरपूर आनंद देत असल्याचे मत नागरिक व्यक्त करत आहेत.