कोकणात जाणाऱ्या रो-रो बोटीला पाचव्याच दिवशी भीषण अपघात, 4 छिद्रे पडली, नेमकं काय घडलं?

Konkan RO-RO Boat Accident: कोकणच्या पर्यटन आणि दळणवळणाच्या दृष्टीने अत्यंत महत्त्वाची ठरलेली मुंबई-विजयदुर्ग रो-रो सेवा एका अपघातामुळे गुरुवारी तात्पुरती विस्कळीत झाली. विजयदुर्ग बंदरात उभ्या असलेल्या रो-रो बोटीला मालवाहू टग बोटीने जोरदार धडक दिली. या अपघातामुळे बोटीचं नुकसान झालं असून, प्रवाशांचे हाल झाले. सुदैवाने या घटनेत कोणतीही जीवितहानी झालेली नाही, मात्र तांत्रिक बिघाडामुळे काही प्रवाशांना तिकिटाचे पैसे परत करण्याची वेळ प्रशासनावर आली.