Krushi Market Today Rate: सोयाबीन उत्पादकांना उत्तम बाजारभाव, कांद्यासह इतर शेतमालांची स्थिती काय?

मक्याचे दर गडगडले: राज्याच्या कृषीमार्केट मध्ये आज एकूण 11 हजार 385 क्विंटल मक्याची आवक झाली. यापैकी जळगाव मार्केटमध्ये 2 हजार 335 क्विंटल मक्याची सर्वाधिक आवक झाली. त्यास मक्याच्या प्रतीनुसार कमीत कमी 1051 ते जास्तीत जास्त 1700 रुपये प्रतिक्विंटल बाजार भाव मिळाला. तसेच पुणे मार्केटमध्ये आवक झालेल्या 1 क्विंटल मक्यास 2700 रुपये दरम्यान सर्वाधिक बाजारभाव मिळाला.

कांद्याची उच्चांकी आवक मात्र भाव दबावातच: राज्याच्या मार्केटमध्ये आज 1 लाख, 32 हजार 135 क्विंटल कांद्याची एकूण आवक झाली. यापैकी 42 हजार 210 क्विंटल सर्वाधिक आवक नाशिक बाजारात झाली. त्यास प्रतीनुसार कमीत कमी 458 ते जास्तीत जास्त 1982 रुपयांपर्यंत बाजार भाव मिळाला. तसेच सोलापूर मार्केटमध्ये आवक झालेल्या 915 क्विंटल पांढऱ्या कांद्यास 200 ते 3100 रुपये दरम्यान सर्वाधिक बाजारभाव मिळाला.

सोयाबीन उत्पादक हमीभावाच्या प्रतिक्षेत: राज्याच्या मार्केटमध्ये 85 हजार 334 क्विंटल सोयाबीनची एकूण आवक झाली. यापैकी लातूर मार्केटमध्ये सर्वाधिक 18 हजार 131 क्विंटल आवक राहिली. त्यास प्रतीनुसार 4176 ते 4627 रुपये प्रतिक्विंटल बाजार भाव मिळाला. तसेच अकोला मार्केटमध्ये 9 हजार 157 क्विंटल सोयाबीनची आवक होऊन त्यास 5383 रुपये सर्वाधिक बाजारभाव मिळाला.