Ladki Bahin Yojana: मोठी बातमी! लाडक्या बहिणींनो घाबरू नका, E- KYC बद्दल राज्य सरकारची घोषणा

मुंबई : राज्य सरकारच्या  मुख्यमंत्री माझी लाडकी बहीण योजना या सर्वाधिक लोकप्रिय ठरलेल्या योजनेसाठी लाभार्थी महिलांना केवायसी करण्याची अंतिम मुदत उद्या 18 नोव्हेंबर रोजी संपत आहे. असं असलं तरी अद्याप 1 कोटी 10 लाख महिलांकडून केवायसी करणे अजूनही बाकी आहे. अशातच केवायसी बाकी असणाऱ्या महिलांना दिलासा देण्यासाठी सरकारकडून महत्त्वाचा निर्णय घेण्यात आला आहे. लाडकी बहिण योजनेच्या ई-केवायसी प्रक्रियेस ३१ डिसेंबर २०२५ पर्यंत मुदतवाढ देण्यात आल्याची माहिती महिला आणि बालविकास मंत्री आदिती तटकरे यांनी दिली आहे. स्थानिक स्वराज्य संस्थांच्या निवडणुका जवळ आल्यामुळे महिलांची नाराजी टाळण्यासाठी सरकार ई-केवायसीसाठी मुदतवाढ दिली आहे.