पळवून नेलेल्या मुलीचा मृत्यू, तरुणाने Insta LIVE करत छातीत खुपसला सुरा, कारण वाचून हादराल!

भरत बालाजी सागावे (वय २७, रा. अंबुलगा बु.) असं मृत तरुणाचे नाव आहे. शनिवारी दुपारी १२.३० च्या सुमारास आपल्या छातीत सुरा खुपसून त्याने जीवन संपवले. उपचारादरम्यान त्याचा मृत्यू झाला. आई-वडिलांनी कर्ज फेडण्यास नकार दिल्याच्या नैराश्यातून त्याने हे टोकाचं पाऊल उचलल्याची माहिती समोर आली आहे. पोलीस घटनेचा पुढील तपास करत आहेत.

गावी आल्यानंतर पत्नीच्या उपचारासाठी झालेल्या खर्चाचे कर्ज कसे फेडावे, याची चिंता त्याला सतावू लागली. भरतने आपल्या मोलमजुरी करणाऱ्या आई-वडिलांकडे पैशांची मागणी केली. मात्र, कुटुंबाची आर्थिक परिस्थिती हलाखीची असल्याने त्यांनी पैसे देण्यास नकार दिला. यामुळे नैराश्यातून त्याने निलंगा शहरातील लांबोटकर पेट्रोल पंपाजवळील एका आंब्याच्या झाडाखाली सुसाईड नोट लिहून इन्स्टाग्रामवर लाईव्ह करत आपल्या छातीत सुरा खुपसून घेतला. तातडीने त्याला लातूर येथील खासगी रुग्णालयात दाखल करण्यात आले, परंतु उपचारादरम्यान त्याचा मृत्यू झाला. या घटनेने परिसरात हळहळ व्यक्त होत आहे.