Trending:

HSC Result Live 2025: बारावीच्या निकालाचं काऊंटडाऊन सुरू, Result कसा बघायचा? स्टेप बाय स्टेप प्रोसेस

Published by:Ravindra Mane

Last Updated:May 05, 2025 8:21 AM IST

Maharashtra 12th Result 2025 : आज दुपारी एक वाजता निकाल जाहीर होणार आहे. या निकालाकडे आता बारावीची परीक्षा देणाऱ्या विद्यार्थ्यांसह पालकांचं लक्ष लागलं आहे.

Maharashtra 12th Result 2025 : महाराष्ट्र राज्य माध्यमिक व उच्च माध्यमिक शिक्षण मंडळामार्फत फेब्रुवारी-मार्च २०२५ मध्ये इयत्ता दहावी आणि बारावीची परीक्षा घेण्यात आली होती. राज्यातील लाखो विद्यार्थ्यांनी ही परीक्षा दिली होती. आज बारावीचा निकाल लागणार आहे. आज सकाळी बोर्डाकडून एक पत्रकार परिषद घेतली जाणार आहे. त्यानंतर दुपारी एक वाजता निकाल जाहीर होणार आहे. या निकालाकडे आता बारावीची परीक्षा देणाऱ्या विद्यार्थ्यांसह पालकांचं लक्ष लागलं आहे. पण हा निकाल बघायचा कसा? नेमकी स्टेप बाय स्टेप प्रोसेस कशी असेल? याची माहिती पाहूयात...

खरं तर, बारावीचा निकाल पाहण्यासाठी महाराष्ट्र राज्य माध्यमिक व उच्च माध्यमिक शिक्षण मंडळाकडून विविध वेबसाईट जारी करण्यात आल्या आहेत. त्यावर विद्यार्थ्यांना आपला निकाल पाहता येणार आहे. निकाल पाहण्यापूर्वी तुम्हाला परीक्षेचा रोल नंबर आणि कागदपत्रावरील आईचं नाव माहीत असणं आवश्यक आहे. अनेकदा आईच्या नावाची स्पेलिंग चुकीची टाकल्याने रिजल्ट चेक करताना एरर येण्याची शक्यता असते. हा गोंधळ टाळण्यासाठी रोल नंबर आणि कागपत्रानुसार आईचं नाव जाणून घ्या.